MANILA, Filipinas- Un teremoto di magnitud 6,2 cu su epicentro den e lama a sacudi e isla Mindanao, segun e Instituto Filipino di Vulcanologia y Sismologia (Phivolcs).
Te cu awo, no tin informe riba posibel victimanan of dañonan material, ni tampoco a emiti un alerta di tsunami despues di e temblor, cu tabata na 42.7 km na e costa meridional di Mindanao, segun e Servicio Geologico di Merca (USGS), cu a calcula un magnitud di 6.1 y un profundidad di 90,2 km.
Den e ciudad di Mati, na 84,9 di e epicentro, e temblor di origen tectonico a alcansa un intensidad V, considera “poco fuerte”, aunke el a wordo sinti den e resto di e region sur di Mindanao, cu varios nivel di forsa.
Filipinas ta sinta ariba e asina yama “Pacific Fire Ring”, un zona di gran actividad sismico y volcanico cu a wordo sacudi pa mas o menos 7 mil temblor pa aña, den su mayoria modera.