NORCIA, Italia – Un temblor di magnitud 6,2 a sacudi Norcia, den centro di Italia, riba e madrug di e diaranson cu a pasa. E movimento telurico a wordo sinti den e capital, Roma.
Te na e momento a reporta por lo menos 252 morto y dañonan severo, principalmente den e ciudad di Amatrice, unda cu varios edificio a cay den otro y unda a registra e mayor cantidad di morto. E ciudadnan cercano di Accumoli y Arquata di Tronto tambe a resulta hopi afecta.
“E mita di e ciudad disparce”, e alcalde di Amatrice, Sergio Pirezzi, a bisa RAI, afilia di CNN, riba diaranson.
Ta spera cu e cantidad di nomber a aumenta na medida cu e ekiponan di rescate ta sigui traha entre e escombronan, cu replicanan regular cu ta supone un menasa continuo.
Desde e teremoto di 6,2 a registra varios aftershock, inclui uno di 5,5 tambe na Norcia, un ora despues di e temblor y otro di 4,7 diahuebs mainta tempran, segun USGS. E aftershocknan a obliga hopi hende sali for di nan cas den e zonanan afecta.
Mas di 1000 persona a wordo desplasa pa e teremoto. Proteccion Civil a bisa cu no ta permiti na e residentenan drumi den e ciudad devasta di Amatrice diaranson anochi.
“Na e momentonan aki nos ta sinti un dolor teribel,” e prome minister Italiano, Matteo Renzi, despues di recore algun di e zonanan afecta.
Dirigiendo e nacion diaranson, Renzi a compromete su mes pa sigui cu esfuersonan mientras ainda tin bida pa salga.
“Den temponan dificil, Italia sa kico pa haci,” el a bisa.
Mientras, e ekiponan di rescate ta lucha contra holoshi pa salba mas bida, atrapa entre e ruinanan.
Fuente: CNN en Español
- Latest
- Trending
