CALIFORNIA, Merca – E epicentro di e teremoto ta ubica na un profundidad di 8.7 km segun e USGS (Servicio Geologico di Merca).
E temblor a tuma luga pa 5 or y 33 di atardi (ora di California) y tabata situa na 12 km zuidoost di e localidad di Searles Valley, un zona remoto di e condado di San Bernadino. E epicentro tabata ubica na un profunidad di 8.7 km. Prome cu esey, USGS a situa e magnitud na 6.6 pero despues a baha esaki .
Medionan local a informa di posibel dañonan causa pa e fuerte temblor. Segun algun informacion, e teremoto a wordo sinti tanto na Los Angles como na Las Vegas.
Segun The Los Angeles Times, e temblor aki ta esun mas potente cu a sacudi e area den mas di dos decada. E ta e temblor mas potente den sur di California desde e temblor di Northridhge di magnitud 6.6 cu na 1994 a provoca decena di victima y a causa dañonan di mas di un biyon dollar. E epicentro tabata tin un duracion di 30 seconde.