ANCHORAGE, Alaska- Diabierna mainta, un temblor di magnitud 6.6 magnitude a sacudi edificionan na Anchorage y a causa cu palonan di lus y tambe matanan zwaai. Esaki a pone e poblacion pa core sali for di nan oficina y/o busca refugio bou di lessenaar.
E U.S. Geological Survey a bisa cu e epicentro di e temblor tabata situa na 7 miya (12 km) noord di e ciudad mas grandi di Alaska.
Un reportero di Associated Press, trahando den centro di Anchorage a wak scheurnan den un edificio di 2 piso despues di e temblor. No ta conoci si tabata tin heridonan.
E poblacion a drenta den e edificionan despues di e temblor, pero un afterschock chikito un poco despues a pone cu nan a subi caya bek.
Un rato despues di e temblor, a emiti un alerta di tsunami pa e costa sur di Alaska, na Cook’s Inlet y peninsula di Kenai.
E U.S. Geological Survey inicialmente a bisa cu ta trata di un temblor di 6.7 pero a reduci esaki pa un magnitud 6.6.