MANILA, Filipinas – Un teremoto di magnitud 6,1 a asota e isla Filipino Luzon, dialuna, segun informenan di e Servicio Geologico di Merca (USGS). E temblor a keda registra na un kilometer di Bodega, den e municipio di Floridablanca, noordoost di Manila. E epicentro di e sismo tabata na 20 km di profundidad.
Ocho persona a muri den e provincia di Pampanga a causa di e colapso di edificionann provoca pa e fuerte movimento telurico aki.
Gobernador di e ciudad Lilia Pineda a informa di cu tin un cantidad no determina di personanan atrapa den un supermarket y cu rescatistanan ta sigui traha pa salba e sobrevivientenan.
E temblor a sacudi e capital Filipino y e provincianan cercano, provocando dañonan den edificionan, cortando brevemente e suministro electrico y causando e suspension di e servicio di trein. Ademas el a obliga miles di personanan di wordo evacua pa camponan habri.
Di su banda, e Centro Sismologico Euro-Mediterraneo a establece e magnitud di e tembor na 6.0 y a ubica su profundidad di 40 km.
E epicentro di e tembor ta situa na mas di 100 km noordoost di Manila, den e provincia Zambales y na un profundidad di 40 km. E temblor a tuma luga pa 5 or y 13 did atardi, ora di Manila.
Filipinas ta situa den un zona hopi activo sismicamente, e Ring of Fire den Pacifico, un bocht den forma di un hoefijzer cu yen di volcan y di fayonan cu ta rondona henter e oceano desde Asia te cu Noordpool y henter e continente Americano, di norte te cu sur y unda cu 90% di e teremotonan na mundo ta tuma luga.