CHIAPAS, Mexico – Dialuna merdia, pa 4 or y 43, ora local, un temblor di 5,7 grado a keda registra den e municipio di Arriaga, estado di Chiapas, sur di Mexico.
Luis Manuel Garcia, secretario di proteccion civil di Chiapas, a informa cu no tin reporte di daño ni tampoco herido.
E alarmanan sismico a activa den diferente punto di e entidad. A procede pa un evacuacion preventivo den scolnan, hospital, centronan comercial y edificionan di gobierno.
El a precisa cu na Chiapas ta registra entre dos y tres movimento telurico pa dia, pero den su mayoria esaki nan ta imperceptibel pa e ser humano.
Den e region Costa, Soconusco y Valle Zoque e movimento a keda percibi basta fuerta, mientras cu den e region Metropolitano, Altos, Frailesca y Norte di Chiapas el a wordo sinti den forma modera.
E coordinacion Estatal di Proteccion Civil di Oaxaca a informa cu no tabata tin reporte di daño ni tampoco di heridonan pa e sismo di 5,4 cu epicentro na Cintalapa, Chiapas.