Temblor di 5.3 grado ta sacudi Republica Dominicana

SANTO DOMINGO – Un sismo di magnitud 5.8 a keda registra dialuna den lama Cariba, 84 miya di e foco turistico di Punta Cana, sin cu tin informe di daño ni heridonan.
E movimento telurico a keda produci pa 10 ‘ or y 33 di mainta na un profundidad di 58 miya, según e Centro Nacional di Sismologia (CNS) di e Universidad Autonoma di Santo Domingo (UASD).

E temblor a wordo sinti na varios punto di e pais, incluyendo e capital, segun ciudadanonan a informa ariba rednan social.
CNS a informa cu diabierna ultimo di cu e tabata “vigilando” cu “extra atencion” e actividad sismico di e pais Caribeño despues di cu 17 temblor di magnitud 3.7 y 2.6 a wordo registra durante algun hora, principalmente den e region noordoost.

Dia 23 di september ultimo, un temblor di magnitud 5.1 cu epicentro na 8 miya di Villa Vásquez, na Montecristi (noordoost), y cu a wordo sinti den e parti noord y noordoost Dominicano, a causa daño na hospital y na dies scol den e zona.
Expertonan y e mesun instituto di Sismologia a adverti di cu e pais ta core e riesgo di sufri un teremoto di gran magnitud, igual of mas grandi cu esun di 7 grado cu a tuma luga na 2010 na Haiti, cu ta comparti e isla Hispañola cu Republica Dominicana, y cual a laga mas di 300 mil morto y 1.5 miyon di damnificado.

Comments

comments