Despues di algun luna di trabao intensivo SETAR ta orguyoso di por anuncia e re-apertura di Teleshop Irausquinplein, situa banda di Postkantoor. E ta e prome Teleshop den SETAR su estilo nobo cu lo wordo sigui pa tur otro Teleshop den futuro cercano.
E parti exterior di Teleshop Irausquinplein ta un simbolo di SETAR como compania nacional. E diseño ta refleha e naturalesa di nos isla. E entrada ta inspira door di e palo y e piedra cu ta rondona y alabes dorna nos isla y e matanan di watapana cu ta tipico pa Aruba. Tur den un bachi moderno.
https://www.facebook.com/setarnv/videos/316701622387972/
Ora bishitantenan drenta e Teleshop, SETAR ta brinda un experiencia nobo. Clientenan ta wordo ricibi cu un bon bini di un host(ess) na entrada. Depende di e motibo di e bishita, e cliente por paga su recibo na nos machine famoso ‘Clarita’ cu yudansa di e host(ess), of bishita e area di ‘touch and feel’ na unda clientenan por experiencia tecnologianan nobo cu tin rond mundo. Tin un area pa wak e ultimo celularnan y acesorionan cu tin na benta. Clientenan cu ta wardando nan beurt por tuma asiento na nos ‘media tables’, cu ta duna e oportunidad pa carga cualkier celular, Tablet of laptop. Tambe tin un area unda cliente por wak television den e confortabilidad di un sofa grandi. Tur esaki y mas den un bachi digital y innovativo cu ta unico na Aruba.
Teleshop Irausquinplein lo habri su porta pa publico dia 18 di december 2018. SETAR ta invita un y tur pa pasa admira su Teleshop nobo entre dialuna cu diasabra, di 9.00 am te cu 5.30 pm.