CIUDAD DI VATICANO, Vaticano- Papa Fransisco ta sinti’e profundamente tristo ora el a haya e noticia di e erupcion violento di e volcan Fuego. E volcan aki a ocasiona varios victima y dañonan material incalculabel. Tambe el a afecta un cantidad significativo di habitantenan di e zona, el a ofrece oracionnan pa e descanso eterno di e fayecidonan como tambe pa tur esunnan cu ta sufri di e consecuencianan di e desaster natural aki.
Telegram di condolencia pa e victimanan di e erupcion di e volcan Fuego na Guatemala cu a tuma luga den e ultimo dianan, a wordo manda pa e Nuncio Apostolico di Guatemala, Mons. Nicolas Henry Marie Denis Thevenin, na nomber di e Papa Fransisco, pa e Cardenal Secretario di Estado, Pietro Parolin.
“Mi ta roga su excelencia pa pasa palabranan di condolencia di Su Santidad, na famianan cu ta yora e perdida di nan sernan keri, como tambe e cercania spiritual di e heridonan. Tambe esunnan cu ta traha incansablemente pa duna ayudo na e damnificadonan. Papa Fransisco ta pidi Señor pa e derame riba nan tur e don di solidaridad, serenidad spiritual y e speransa Cristian. Papa ta manda su bendicion pa boso tur.”, ta loke ta skirbi den e carta.
Fuente: https://es.zenit.org