Na Aruba tin como 9 mil caso di termento, y pesey Telefon pa Hubentud kier sigui cu e Proyecto di Stop cu Termento na scolnan. Sr. Sherman Milliard ta amplia.
Mas o menos 17 aña pasa Telefon pa Hubentud a cuminsa na Aruba. Y tur aña nan ta bin cu proyectonan cu pa e muchanan y e maestronan. Un bon ehempel tabata e proyecto di Derechonan di Mucha, “Esaki ta mi derecho”. Aki ta siña e muchanan kico ta nan derecho y tambe nan debernan. Tur aña nan a bin cu proyecto nobo di sexualidad. Nan a papia tambe di termento y dos aña pasa, un biaha mas nan a ofrece e comunidad di Aruba un proyecto contra di termento, ariba nivel di scol, pero ta full e bario tambe. Sr. Milliard ta hopi contento cu hopi maestro a participa den esaki, unda 33 diferente scol a participa. No solamente pero tambe na Bonaire, ora cu Telefon pa Hubentud a bay aya, pa duna e les aki.
Otro aña e scolnan cu a participa den e training di aña pasa, nan lo bay implementa esaki den nan scol. E no ta bay un, dos, tres. E ta un proyecto cu mester pone hopi atencion na dje, bin cu tur e reglanan pa tur hende y asina so e por logra. Nan no ta kere cu ora nan bay un scol pa 5 ora cu un proyecto y despues cu nan a bay,tur cos a cambia. Mester tin atencion no solamente di telefon pa hubentud, di e maestro pero tambe di e mayornan y tambe e muchanan. Asina so e por logra. Den e aña cu ta bin, nan lo bay cosecha e frutanan di e inzet di Telefon pa Hubentud y e 94 diferente docentenan y e 33 diferente scolnan aki nan Aruba.
E proyecto aki a cuminsa for di kleuterschool, den prome klas di scol basico y despues henter e scol y tambe e prome dos añanan di scolnan avansa.
E minister a haci su esfuerso pa tin suficiente material pa tur mucha cu ta bay scol basico, y banda di esey cu tur e scolnan cu ta doe mee, por copia e bukinan pa e muchanan, e maesteronan y hasta e mayornan por doe mee. Nan tin hopi un bon colaboracion cu SKOA y tambe otro scolnan, pa maestronan por haya un dia di estudio pa nan forma parti di e proyecto aki.
Termento ta un problema no solamente na Aruba, pero e ta un problema pa hopi aña na hopi pais, y e lo keda un problema. Telefon pa Hubentud ta laga cu nan proyecto “Stop cu termento”, cu esaki ta bira menos. Durante un estudio, hobennan te cu di dos klas MAVO, unda casi 9 mil hoben na Aruba, di cual 54% tin of tabata tin problema cu termento. Y e meta ta pa esaki pa baha. Door di un proyecto ta laga un participante den un scol y un bario na cas, y na cas y pafo di scol, sa cu tin regla cu ta uniforme, dus tur hende ta traha ariba un liña y e termento por baha hopi lihe den un of dos aña. Cu solamente un solo proyecto e termento a baha cu 21%. Esey ta unda nan kier yega, segun Sr. Milliard. E ta tuma tempo di mas o menos 6 siman, pa cual despues bo ta prepara pa introduci esaki na bo scolnan. Telefon pa Hubentud ta duna oportunidad pa scolnan acerca nan pa asina nan por participa, laganan sa con bo por laga e termento bira menos na bo scol. Y ora cu e baha na scol e ta bira menos tambe den bo bario. Pasobra e docente, e mucha of e mayor cu a haya les contra di termento, ta bira un emabahador contra di termento. E sa e cuater formanan di termento y cual efecto e lo por tin ariba un persona cu ta wordo geter, ta wak termento tuma luga of e mes ta esun cu ta ter. Si cada ken sa na cua parti nan ta pertenece, nan por lag’e bira menos, segun Sr. Sherman Milliard, di Telefon pa Hubentud a splica.