Diaranson, pa mas of menos 3’or y 25 di atardi, Central di polis ta meld cu lo tabata tin mester di asistencia na entrada di waf caminda cu turistanan ta pasa. Eynan a papia cu e dama R., kende hunto cu su casa, tabata na Hamaka y cu nan a pone un celular (iPhone 5C) riba e bar y despues a ripara cu el a somenta. E bartender a comenta cu e turistanan supuestamente envolvi lo tabata abordo di e crucero “Monarch”. R. a purba via un sistema di GPS rastrea e celular, pero sin resultado, te cu mas of menos 3’or di atardi, el a bolbe purba cu resultado positivo y a mustra cu e celular tabata mustra cu e ta riba e crucero “Monarch”. Personal di Maritiem Politie hunto cu R. y Hoofdbewaker di Aruba Ports Authority, e homber A., a bay na e crucero, caminda cu nan a duna e informacion na e chief security P riba e celular cu a wordo horta. Debi cu no tabata tin potret di e persona en cuestion, mucho no por wordo haci y e barco a bandona puerto pa 4’or di atardi. R. lo bay pidi e doño di e bar pa imagennan di video, pa asina por manda un potret via email na e crucero pa e chief security, pa asina mira ainda si nan por gara e persona cu tin e celular. Esaki tin atencion di polis