Recientemente e website di tecnologia WAbetainfo a revela e novedadnan cu e version beta 2.17.285 di WhatsApp ta trece cun’e. E diseñadornan di e programa a mehora y a añadi varios funcion cu ta haci cu e servicio ta mas comodo pa e usuarionan. Siguientemente e cambionan cu aplicacion popular aki lo bin cun’e .
1. E version 2.17.285 ta amplia e funcionnan di almacenamiento pa usuarionan di Android, cu lo por administra tur e mensahe y archivonan manda y ricibi. prome cu e update solamente usuarionan di iOS y Windows Phone por a maneha e datonan di e manera aki.
Danki na e funcion di mas nobo di Android, e usuario lo por lesa tur e detayenan di e historial di e chat, elimina cierto mensahenan, wak e total di mensahe pa cada conversacion y e cantidad y e diferente tipo di archivonan.
2. Cu e version di mas nobo lo bo por wak e nomber di e persona aunke cu e no ta registra den bo contactonan. esey kiermen, cu si un persona desconoci mandabo un mensahe, riba e screen lo aparece e nomber cu esaki a kies pa mustra, na luga di su number di telefon.
3. Aki poco tempo lo bo por amplia e potret di perfil di e usario, danki na e funcion di zoom cu lo aparece den e aplicacion. pa wak esaki den detaye, simplemente click ariba e imagen.
4. Usuarionan di WhatsApp 2.17.285 lo por haci yamada y video call sin mester di corta e combersacion y bolbe yama bek.
Apart di e funcionnan aki, recientemente internautanan a splica con bo por programa e mensahenan di Whatsapp pa nan wordo manda automaticamente.
Fuente: https://actualidad.rt.com