SEOUL, Korea del Sur- Samsung Electronics ya caba a bende mas di 10 miyon telefon celular di su ultimo modelo Galaxy S8 y S8+, den menos di un luna, segun fuentenan di e compania.
E lansamento di e Samsung Galaxy S8 a surpasa e prome modelo di Samsung, cual a tarda shete luna pa yega na e cifra ey.
Samsung a hiba un lucha tenaz pa bin cu un dispositivo cu lo mester recupera e perdidanan miyonario hiba door di e compania Surcoreano despues di e fracaso di e Galaxy Note 7, cual baterianan tabata explota. E modelo di mas nobo aki di e famia di Samsung tambe lo mester “limpia” e imagen publico di e compania aki, cu ta un competencia directo pa Apple iPhone, cu ta wordo considera pa hopi, e miho telefonnan celular al momento.
Fuente: www.efe.com; www.news18.com