Nintendo Switch a resulta di ta masha popular: te cu september a bende casi 3 miyon consola, cual ta un suma di 7.6 miyon dollar desde su lansamento na Maart.
Diferencia entre su predecesor, Wii U, e ekipo ya por wordo considera un exito. Na tal punto cu e accionnan di Nintendo a subi casi dobel desde cu e consola a sali na benta.
E compania ta calcula cu pa Maart 2018, e cifranan lo ta 1,060 miyon dollar y esaki ta casi duplica e calculacionnan haci tres luna atrás.
Den funcion di e exito di benta, Nintendo a subi e pronostico di benta for di 10 pa 14 miyon unidad.
Asina e Nintendo Switch den poco luna lo supera e benta di Wii U den cinco aña, den cual a logra comercialisa apenas 13.56 miyon consola.
“Nos a aumenta e produccion di Switch pa cumpli cu e demanda fuerte di nos clientenan, debi cu a resulta dificil pa e clientenan cumpra consolanan den tiendanan minorista”, e presidente di Nintendo, Tatsumi Kimishima, segun Reuters a publica.
Lo mester wak e resultadonan na final di aña, ya cu e lo tin un competencia fuerte na momento cu, Microsoft Corp., saca su consola di resolucion halto di mas nobo, e Xbox One X riba mercado dia 7 di November.
Fuente: https://www.infobae.com/america/tecno/