CALIFORNIA, Merca- CEO di Apple, Tim Cook diabierna a admiti cu e publicidad tocante e futuro di iPhone ta haciendo daño na e ventanan di iPhone actualmente.
Apple a publica e resultadonan pa e kwartaal cual a termina dia 1 di April, unda cu ta mustra cu e venta di iPhone a cay. Segun e informe, Apple a bende 50.76 miyon iPhone den e kwartaal, compara cu 51.19 miyon den e mesun periodo aña pasa y a keda cortico cu e expectativa di 51.5 miyon. Adicionalmente, e balor pa e sharenan di Apple a cay cu 1%.
Cu e di dies aniversario di iPhone, tin expectativanan cu e compania lo lansa su ultimo modelo di iPhone, e iPhone 8, mas laat den aña, pero probablemente esaki tampoco lo bay door.
Segun informenan di Fox News Australia, cu a cita Deutsche Bank unda ta specula cu door di problemanan cu rebendedonan, iPhone 8 lo no ta cla pa wordo lansa prome cu e fin di e aña aki. Mas sigur lo ta pa 2018.
Fuente: WN