E red social Instragram a reconoce diahubes den un comunicado cu e tabata victima di e un hacking. E hackernan a logra di haya acceso na coreonan electronico y numbernan di telefon di usuarionan di perfil halto.
Instagram a confirma cu e hackernan tabata tin acceso na e datonan pa medio di un eror di software “den IP di e plataforma”. Sin embargo, nan a señalal cu e hackernan no tabata tin acceso na e passwordnan.
“Na e momentonan aki nos ta kere cu e esfuerso a wordo dirigi ariba usuarionan di perfil halto, pa cual como precaucion, nos ta notificando nos usuarionan di cuentanan verifica di e problema aki”, e vocero di red social a informa.
E comunicado a señala tambe cu e mas importante ta e siguridad di usuarionan y nan ta pidi colaboracion di esakinan.
Por ultimo nan ta pidi pa actua cu precaucion ante cualkier sospecha.
Fuente: http://www.ntn24.com/