BEIJING/CARACAS- E compania Chines Huawei a haya su mes meti den problemanan serio despues di cu gobierno di Merca a impone sancionnan den su contra, unda cu e representantenan di e compania aki na Venezuela a garantisa cu nan lo sigui opera normalmente.
Huawei Technologies de Venezuela S.A, a manifestado a traves di un comunicado firma pa su director di comunicacion, Angel Duque, cu “Huawei lo sigui brinda actualisacionnan di siguridad y servicio postventa di tur e productonan existente di smartphone y tablet Huaweii, incluyendo esunnan cu ya caba ta na benta.
E compania ademas a reitera cu e ekiponan cu a wordo bendi caba y esunnan cu ta den inventario “lo por sigui uza y actualisa servicionan di Google, manera Google Play, Gmail, etc. Di mes manera, e dispositivonan aki lo sigui ricibi actualisacionann di e patchnan di siguridad di Google y lo por actualisa sin problema algun tur e aplicacionnan disponibel den Google Play.
Mester destaca cu mientras Huawei ta busca manera pa handle e sancionnan di Merca, e gigante Japones Panasonic a suspende tur negoshi cu e compania di telefon Chines door di preocupacionnan pa cu siguridad, según e vocero di e compania a bisa na AFP.
Gobierno di Merca a determina un blokeo na companianan Mericano di cumpra di Huawei y su companianan afilia, considera esencial, alegando preocupacionnan di siguridad.
Finalmente, Merca a acorda tres luna di moratorio di Huawei, prome cu e aplicacion efectivo di e sancionnan.