E compania Google a stop di haci negoshi cu Huawei cu ta rekeri transferencia di hardware y software. Esaki ta bin despues di cu diaranson, e gobienro di Trump a inclui e compania chiens riba su ‘black list’di gobienro, segun un fuenta familiarisa cu e asunto aki.
Si e noticia wordo confirma, e gigante tecnologico Chines lo perde acceso na e actualisacionnan di e sistema operativo Android y e siguiente version di e su ‘smartphone’ pafo di China tampoco lo conta cu acceso na cierto servicio y aplicacionnan populares, manera p.e. Google Play Store y Gmail.
Segun e fuente cita pa e agencia Britanico, e detayenan di e servicionan specifico ainda no a wordo discuti den forma interno di Google. Paralelamente, un vocero di Huawei diabierna a bisa cu e abogadoann di e compania Chines ta studiando e impacto di e accionnan tuma pa Washington.
Asina tambe, e compania Mericano lo stop di duna ayudo tecnico y colaboracion pa servicionan di Android y Google na Huawei. Sin embargo, e medida no lo afecta transferencianan di hardware y productonan di software di ‘Open Source Licence”. Esaki kiermen cu nan lo sigui ta disponibel pa tur esunann cu kier haci uzo di dje.
Guerra comercial en curso
Presidente Mericano, Donald Trump, diaranson a firma un orden cu ta prohibi e uzo di ekiponan di telecomunicacion fabrica pa companianan considera como un menasa pa siguridad nacional di e pais; un medida ta habri caminda pa un prohibicion total di productonan fabrica pa Huawei.