E companianan grandi di tecnologia ta hopi interesa den China ya cu e tin mas di 700 miyon usuario di internet. Facebook no ta e excepcion y su creador, Mark Zuckerberg a dicidi di lansa un aplicacion pa vence e censura existente den e pais Asiatico.
E plataforma yama “Colorful Balloons’ lo pemiti pa comparti potret si mesun manera cu “Moments” di Facebook. Aunke e tin tambe algun limitacion door di e censura y e control di Gobierno, e usuarionan lo por invita su contactonan pa download e aplicacion.
For di 2009 Facebook ta blokia na China, despues cu esaki a wordo uza pa un grupo di manifestante pa duna di conoce nan inconformidad cu e gestion di gobierno, cu ta controla e acceso di su habitantenan ariba rednan social y riba internet.
Na 2014 gobierno Chines a blokia tambe e acceso na Instagram. Tambe nan a blokia e posibilidad di manda voicenote, potret of video ariba whatsapp.
Mark Zuckerberg, CEO di Facebook a purba na varios biaha pa yega na un acuerdo cu e gobierno Chines pa kita e prohibicion ariba su plataformanan. Incluso, varios biaha el a bishita e pais Asiatico, el a reuni cu funcionarionan y hasta el a siña papia Mandarin.
E creador di e red social no a give up y a dicidi di lansa e aplicacion nobo pa medio di un compania local, cual ta conta cu e permiso pa desaroya y opera mecanismonan tecnologico den e pais.
Esaki ta un muestra di e interes grandi cu Zuckerberg tin pa subi e mercado Chines.
Fuente: http://www.ntn24.com/noticia/