Falta solamente un siman mas pa Samsung presenta su Galaxy Note 8, pero ya su caracteristicanan ta conoci. Segun e “puntonan di referencia”, e Galaxy Note 8 lo ta mas lihe cu e iPhone 7, pero mas slow cu e iPhone 7 Plus y Galaxy S8.
E webpage gfxbench.com a reseña algun di e caracteristicanan di e “phablet” nobo, aunke algun di nan ainda no ta mucho cla, manera e size di e pantaya:
Exynos 8, ocho core pa 2.3 GHz;
Screen di 6,4″ y un resolucion di 2960×1440 pixel;
RAM- memory di 6 GB;
GPU Arm Mali-G71;
Internal storage di 64 GB (probablemente lo modifica esaki cu otro capacidad)
Camara principal di 12 MP (4032×3024) cu autofocus, facedetecion, potretnan HDR y flash;
Camara dilanti di 8 MP con opcion di graba video den Full HD;
Bluetooth, NFC, GPS;
Android 7.1.1.
Di otro banda, e pagina web AnTuTu Benchmark, cu ta compara smarthphonenan di Android, a analisa e caracteristicanan cu e telefon nobo. E Samsung Galaxy Note 8 a haya un puntuacion di 179 mil punto cu ta mas abao cu e Galaxy S8 (205 mil) na final di Maart.
E Note 8 lo wordo oficialmente presenta dia 23 di Augustus proximo.
Fuente: https://actualidad.rt.com/viral/