Un di cada dies persona ta victima di un forma di Cybercrime. Hopi biaha ta trata aki di hobennan cu ta wordo tenta online, pero tambe otro formanan ta keda un problema.
E Oficina Central di Estadistica (CBS) ta calcula cu aña pasa tabata tin 2.5 miyon caso di crimennan cibernetico. Un persona kende su identidad a wordo horta, of su computer a wordo gehacked of nan ta victima di termento online.
Desde 2012 e cantidad di victima di crimennan cibernetico a baha, pero asina mes e ta keda halto. Loke mas ta resalta cu personanan cu tin un estudio superior hopi biaha ta bira victima mas lihe cu un persona cu menos estudio, door cu nan ta conecta mas hopi tempo ariba red.
Mayoria di casonan di crimennan cibernetico no ta wordo denuncia. Solamente un di cuater victima di un delito cibernetico ta bay polis, banco of cualkier otro instancia. Esey tabata menos di cinco aña pasa, tempo cu un tercera parti di tur victima tabata entrega denuncia.
Fuente: http://www.msn.com