Dialuna Apple a introduci su HomePod, un speaker controla pa voz cu ta haci sugerencianan musical y ta ahusta temperaturanan di cas, rivalisando cu Alexa y Echo di Amazon.
E move aki ta e prome den un area completamente nobo pa Apple pa mas di dos aña ora cu e compania di tecnologia mas valioso ta purba recupera e perdida den e benta di iPhone y asina bin cu maneranan nobo pa e usuario tin mayor uzo pa aplicacion y su telefon.
Asistente di Apple, Siri lo wordo integra den e speaker, cual lo costa $349,- y por recomenda musica cu ta compatibel cu e servicio di Apple Music, por manda mensahenan di texto, check noticia y resultadonan deportivo y controla dispositivonan na cas manera bombiyo y termostatnan.
Ta ser spera cu Apple lo anuncia su plannan e siman aki pa pone su asistente di voz, Siri traha cu un variedad mas grandi di aplicacion, pero cambionan inicial tabata pa añadi un number mas chikito di capacidadnan.
E speaker HomePod ta algo mas chikito cu 7 inch (18 cm) y ta cubri cu un tela cu lo bin sea den color blanco of shinishi. Un computer lo test e sonido den e camber y lo emiti partinan specifico di musica, manera e voz di un cantante, pa e skuchado,
Apple lo cuminsa manda e HomePod pa Merca, Gran Bretaña y Australia na December.
E speaker, cu tabata ser spera door di e mercado industrial, ta e prome producto cu Apple a anuncia desde cu el a anuncia e Apple Watch na September 2014. Como un dispositivo musical, e lo ta un desafio tambe pa Sonos, cual speakernan controla via wi-fi ta wordo uza pa hopi usuario di smartphone pa “home entertainment”.
Siri lo competi tambe cu Alphabet Inc’s ( GOOGL.O) assistente di Google.
Fuente: www.reuters.com