E gigante tecnologico Apple dialuna a anuncia su plannan di construi un centro grandi di dato di ultimo generacion na Waukee, cerca di Des Moines (Iowa), cu lo tin un costo di 1.3 biyon dollar.
“Mescos cu tur e centronan di datonan di Apple, e centro lo funciona totalmente cu energia renovabel desde su prome dia”, segun e compania a bisa den un comunicado, unda cu e la precisa cu ecentro lo tin un extension di 37 mil 200 meter cuadra y cu lo genera 550 cupo di trabao durante su construccion.
Na Apple semper nos ta buscando manera di ofrece experiencianan ainda mas miho pa nos clientenan. Nos centro di dato nobo na Iowa lo yuda miyones di persona na Norteamerica cu ta usa Siri, Apple Music y otro servicionan di Apple y tur lo wordo impulsa pa energia renovabel, segun Tim Cook, director ehecutivo di e compania.
Apple ta responsabel di 2 miyon di empleado den 50 estado di Merca y ta calcula cu e inversion di e centro di dato aki lo crea 10 mil cupo di trabao mas, cu e obhetivo di impulsa oportunidadnan economico pa e estado rural di Iowa.
Apple ta compaña e proyecto cu un Fondo di Mehoramiento Publico, administra pa e ciudad di Waukee, cu lo apoya e desaroyo di proyectonan comunitario manera parkenana, bibliotecanan y espacionan recreativo, di cual e prome cu lo wordo construi ta e Campo di Deporte Hubenil.
E construccion di e centro di dato lo cuminsa na comienso di otro aña y Apple ta planea pa esaki bay den funcion na 2020.
Fuente: https://www.efe.com/efe/america/tecnologia