E 3 team nan di TK5 di nos dushi pais Curaçao tambe ta kla pa asina kompetí i defendé nos pais kontra di e otro pais nan ku ta bini Curaçao e aña aki.
TK-5 ta un kompetensia internashonal ku paisnan ta kompetiendo kontra otro den forma di ekipo kontra ekipo. Nos aki na Curaçao a disidí di organisá e kompetensia aki den tur kategoria e aña aki. TK-5 normalmente sa wòrdu organisá solamente bou di e kategoria di senior mundialmente.
Kada pais a selektá nan 5 mihó atletanan pa mira si nan por logra sali kampion kontra di e otro pais nan ku ta bini.
E selekshon di e kategoria nan di nos pais Curaçao ta bou di e entrenamentu di Gilson Lourens ( te na rèks huntu ku e team junior) i ta trahando hopi duru pa nan por logra e promé lugá kontra di e paisnan ku ta bini e aña aki. E pais nan a manda mensahe bon kla ku kada unu ta trahando hopi duru.
Riba potrèt nos por mira e 3 team nan di Curaçao.
E team infantil ta konsistí di e atleta nan, Jayvan Poulina, Harish Roojer, Shenasha Andrea, D Jeandro Penny i Thaveon Donker.
E team di e kategoria Cadet ta, Harif Roojer, Divano Toppenberg, Reangel de Wint, Rogenne de Wint, Nasser Lahham, Rahim Antonio i Aurick Rosinda
E team di Junior ta konsistí di Rashied Antonio, Nadim Lahham, Dylano Streedel, Firas Lahham, Jaidison Celestina i Shadeon Donker
Keda pendiente pa e informashon di e otro pais nan ku lo bini pa kompetí kontra Curaçao
Nos kier a pidi e pueblo di Curaçao pa bin apoyá nos team nan dia 3 novèmber 2018 na International school kontra di e pais nan ku ta bini. E apoyo ta hopi importante pa nos atletanan. Karchinan ta optenibel, 5278018, 5127374, 5160536 i tambe serka e skolnan di Taekwondo aki na Curaçao