Diabierna ultimo Colegio San Augustin Mavo a organisa un dia di teambuilding combina cu un lezing pa su maestronan. E lezing a wordo duna pa Janine Rodriguez di slachtofferhulp y Ebby Schwengle di Kiwanis, cual a wordo duna na un manera interactivo, caminda cu maestronan tabata haya e oportunidad di reacciona a base di e informacion cu nan ta ricibi. Slachtofferhulp a splica con importante e ta pa atraves di bon observacion diagnostica cierto problemanan cu un mucha por ta pasando aden.
Temanan cu a bin dilanti ta entre otro abuso di mucha y con bo ta reconoce e señalnan cu ta indica cu e mucha lo por ta victima di abuso. Directorado di Colegio San Augustin kier a gradici tanto Janine Rodriguez y Ebby Schwengle (Kiwanis) pa e informacion y bon cooperacion ricibi riba e dia aki.