Kendrick Boekhoudt un hoben dinamico y balente a traha pa hopi aña pa Masnoticia.com, su trabou tabata fotografo riba caya, y tabata cubri sucedidonan na cualkier momento di dia. E tabata un persona cu sa hopi di loke ta camara, video y mucho mas. Kendrick ora a mira cu porta algo no ta bayendo bon tanto paden o pafo e tabata duna su conseho con pa mehora, e tabata conseha plannan y guia nos personalnan nobo cu ta subi caya. Hopi persona tabata admira su trabou y e tabata respetabel.
Kendrick Boekhoudt tambe a traha cu TeleAruba den e truck di transmicion, e sa hopi di dolor y audio tabata yuda su coleganan di TeleAruba durante tur transmicion cu e planta di television tabata haci riba caya.
Kendrick ultimo aña a bira malo y tabata bringa cu su salud y e tabata conciente di esaki, e tabata un guerero. Asina mes a subi caya pero na final gerencia a pidie pa sosega e curpa debi cu e ta un hoben dinamico y ta gusta combersa y intercambia pensamento.
Kendrick e siman aki a drenta cuido intensivo, unda el a bira mas malo y diahuebs atardi nos a haya e noticia lamentabel cu Kendrick di apenas 28 aña di edad a bay laga nos.
Danki pa tur cos Kendrick Boekhoudt di parti e Team completo di Masnoticia.com, awor si 92 ta for di Aire riba radio. Palabra di condolencia na famia completo di Kendrick Boekhoudt, na un di nos coleganan cu a forma parti di masnoticia cu ta Julisa su ruman, y Urig Feliciano.
Te despues.