Diahuebs awor día 25 di Mei, lo biaha pa Korsou un grupo di hungadornan di dam pa Korsou.
E grupo ta consisti di 4 hungador adulto y 2 hoben bow di 19 anja y un líder di delegación cu alabes lo ta un hungador di reserva.
Hungadornan adulto ta Ricky Nisbet, Mario Jansen, Octavio Croes y Hector Winterdal. Líder di delegación lo ta Ricardo Wever. E 2 hobennan ta Xyon Jacobs y Jaylee Krozendijk.
Nan lo participa na un torneo di dam ABC, hunto cu Korsou y Bonaire.
Un team ta consisti di 2 hungador. Dus Aruba, Bonaire y Korsou lo tin hunto 6 team cu lo batalla cu otro. E 2 teamnan di e mes un país, lo no topa otro. Aruba lo topa dus cu solamente e 2 teamnan di Korsou y e 2 teamnan di Bonaire.
E hobennan ta hunga un torneo separa entre nan mes pa saka e ganador hubenil di ABC.
E promer encuentro lo tuma lugar na diabierne mainta 10:00 na hotel San Marco y e ultimo rond lo start diasabra 4:00 di atardi.
Entregamento di premio y clausura lo ta diadomingo 2:00pm
E torneo di dam ABC, a cuminza riba initiativa di Aruba na 2004 aki na Aruba.
Cada anja otro país ABC lo organisa esaki. Aruba ta na beurt atrobe na 2024.
Nos ta desea e 2 teamnan di Aruba y e nos hobennan tur éxito aya na Korsou.
Gastonan haci pa e torneo aki lo wordo gesponsord door di Comision di Subsidio (SSA) hunto cu Lotto Aruba.
