Relaciona cu caso di tiramento y menasa cu a tuma luga diaranson anochi na Esso heights na San Nicolas recherchenan a cuminsa cu un investigacion riba e sospechoso cu lo a los tiro y menasa hendenan. A yega na cla cu e sospechoso ta biba na Casibari un adres conoci pa husticia.
Ordo pa drenta e cas y sospechoso a core bay y mama deteni
Team di aresto a keda notifica y haya ordo di fiscal di ministerio publico cu por drenta e cas debi cu e sospechoso ta den e cas, di biaha a drenta paden pero un sospechoso a core pa e team di aresto drenta mondi. E mama cu ta e persona encarga cu e cas y cu a caba di sali for di libertad di kia ta bolbe cay cera
Mas patruya pa busca e sospechoso
A solicita mas patruya pa duna un man cu e buskeda cu ta un persona hoben y conoci pa husticia cu ta gusta core momento cu e sinti cu nan ta bin busk’e. A listra den mondi rond di e cas pero no a topa cu nada.
Droga haya den cas y a listra den plafond
Durante e buskeda recherchenan a listra den e cas y topa cu basta droga mes y bou ordo di fiscal cu tabata presente cu a presencia tur cos a tuma tur esakianan den beslag. A kibra porta di cas pa drenta den apartament tambe y a drenta den plafond di e cas.