Horacio Oduber Hospital a celebra cu team completo dia di enfermeria yena di alegria, colegialidad y claro aprecio pe trabou duro di nos enfermeronan cu ta e curason di HOH y no por lubida e team completo di Hospital cu ta contribui diariamente na cuido di tur pashent.
Un celebracion cu a habri mainta cu un desayuno pa ful e team di Hospital, LabHOH y Bloedbank unda cu Hunta di Directiva y Team di maneho a lora manga y sirbi ful e team di durante algun ora. Por a mira caranan felis di coleganan ta saluda otro cu door di ta constantemente ocupa no ta topa otro durante trabou diario pero awe mainta si a logra traha algun minuut di nan tempo pa celebra y “catch up”. Por imagina cu ta dificil pa algun enfermero laga pashent pa gosa di un desayuno y pues pa nan a paketa e cuminda y hiba na piso di cuido pa nan por gosa durante nan pauze. Esey caba ta papia di cuanto dedicacion e trabou di un enfermero ta rekeri esta 24/7. Durante dia tambe a haci un “raffle” virtual cu premionan atractivo cual diferente compania a sponsor team di HOH y di curason ta gradici nan pa e bunita gesto.
Alabes kier a gradici tambe Minister-president, sra. Evelyn Wever-Croes y Minister di Salubridad, sr. Dangui Oduber cu a a pasa bishita inesperadamente durante oranan di mainta y asina expresa nan gratitud na nos enfermeronan y hasta a yuda sirbi desayuno na staff di HOH.
Danki ta bay na ful e comishon di Staff Appreciation Day cu a traha duro pa asina, aunke di un forma diferente y no manera custumber,a pone coleganan y tur enfermero sinti nan mes aprecia y special.
