E situacion na Mocoa ta desolador y conforme cu autoridadnan ta traha y e ekiponan di rescate den e kitamento di e escombronan ta aumenta tambe e cifra di desaparecido y victimanan mortal. E ultimo reporte ta duna cuenta di 238 persona fayeci, 203 ta wordo atendi den centronan medico y ainda no a determina e cantidad di desaparecidonan, ya cu Censo ainda ta realisando cu e pobladornan di e zona.
Di su banda, Fiscalia General di e Nacional, cu tambe a dispone di un comision special pa atende e tragedia, ya ta den e labornan di identificacion di e cadavernan. E prome reporte ta indica 28 victima fatal.
Al respecto, director di e unidad Nacional pa e Gestion di Riesgo di Desaster, Carlos Ivan Marquez, a bisa cu “nos ta reactiva e operacionnan pa continua cu e buskeda y rescate den e zona, e lo haci un cubrimento special, nos lo haci un paneo y revision aereo, e entiddanan operativo ta traha sin para.”
Pa e operacionnan di dia di awe tin un ekipo di casi 1300 persona di SNGRD, entre Ehercito, Polis, Forsa Aereo, Armada, Defensa Civil, Bombero, Cruz Cora, UNGRD, Gobernacion, Alcaldia, CTI, Medicina Legal y Corpoamazonia. Di e manera aki, ta conta cu 10 helicopter, seis avion, shete boto pa apoyo fluvial y 63 vehiculo pa recoridonan terestre.
Di banda di Forsa Aereo Colombiano, a reporta cu den e atardi di diasabra a transporta 26 socorista y dos ton di carga, cu lo yega pa Putumayo den e proximo oranan. Ta premira cu durante e anochi ta entrega remedi, elementonan di prome necesidad y evacuacionnan aeromedico.
Di parti di e compania di telefon Claro, a informa cu e liñanan prepago cu ta registra na e ciudad di Mocoa, lo ricibi un recarga di $10 mil peso, “corespondiente na 50 minuut di airtime, pa e hendenan den e zona por comunica cu nan sernan keri.”
Fuente: El espectador