E tayer di preservacion di Herencia Cultural Inmaterial na Aruba a clausura na un
manera interactivo. Na unda e practicantenan di e ofishi “Boto miniatura Crioyo” a intercambia, storianan y informacion cu e participantenan.
Den e di tres dia di e tayer a duna e participantenan e tarea pa traha preguntanan cu lo wordo usa pa entrevista e practicantenan. Despues di a socialisa cu e practicantenan a documenta nan storianan “on the spot” cu filmacion. Na final dia tur participantenan, practicantenan y facilitatornan cu a participa cu tayer HCI a ricibi un certificado.
Segun Sra. Zetsia Ponson secretaris general di UNESCO Aruba: “Ta spera cu e tayer aki a motiva y inspira tur e participantenan pa traha hunto y preserva Herencia Cultural Inmaterial di Aruba. Tin hopi tradicion cu mester wordo proteha y na e manera aki UNESCO ta purba di encurasha e participantenan pa involvi henter comunidad pa cu Herencia Cultural Inmaterial di Aruba.
Pa mas informacion por subi riba e facebookpage/ UNESCO Aruba