Biblioteca Nacional Aruba ta ofrece un workshop di poesia cu docente y poeta Lily Clarisa Henriquez. Esaki ta un workshop di 4 sesion pa amateur poetanan y otro interesadonan di 18 aña bay ariba y lo wordo dicta na Ingles.
Durante 4 sesion Lily Henriquez ta cubri e temanan: top Famous American poet y diferente estilo, Top Famous British Poet y diferente estilo, Participantenan mes tambe ta practica skirbi poesia.
E workshop ta tuma lugar diaranson atardi di 5or y cuarto pa 7or na biblioteca na Playa, dianan 15, 22 y 29 di November y dia 6 di December. Registracion por via [email protected] prome cu dia 27 di oktober. E workshop ta costa 100 florin pa persona.
Poeta Lily Clarisa Henriquez a skirbi ‘Lost Love Poems’ un coleccion di poema y Lily a presenta su publicacion na Biblioteca Nacional Aruba na Juni. Actualmente Lily Clarisa ta traha como docente Ingles na EPB. Lily ta blog na lilyspoems.blogspot.nl