E siman aki ta tumando luga e tayer di “Week long Conscious Discipline” y e ta pa docentenan, pa hendenan cu ta traha cu muchanan. Durante henter siman, Certified Conscious Discipline Instructor, Helen Guda hunto cu mas experto riba e programa aki lo siña nan con pa yuda un mucha.
Esunnan cu participa na e workshop aki lo haya sa cu na luga di duna un mucha un straf, nan por yuda e muchanan pa ta exitoso. “Kiermen siñ’e con pe ta motiva, con pa siñ’e tin perseverancia, con pa siñe uza su habilidad ehecutivo, anto alabes nos ta bay laga e maestronan experiencia kico e kiermen di ta parti di un famia”, Helen Guda a remarca. Conscious Discipline ta uza e idea di famia escolar y den e training aki nan ta bay traha un famia di scol.
“Nos ta bay laga tur hende sinti bon bini, nos ta bay train y e ta un training hopi practico. E ta hopi informacion tambe”, Helen Guda a indica. Durante 7 dia, e participantenan lo bay traha duro. E experiencia di e instructornan cu un training asina aki, e participantenan ta hopi motiva pa aplica Conscious Discipline na nan scol of unda otro cu por haci uzo di dje.
E programa di Conscious Discipline por haci uzo di dje desde crèche, di mucha chikito te eigenlijk hubentud. “Mi a mira hende aki den cu ta di voorgezet onderwijs. Pero mayoria di nan ta di scol basico y kleuter, pero tin tambe di otro grupo”, asina Helen Guda a remarca.