Aña ta habri, aña ta cera, pero e situacion ta keda mesun cos. Tur hende ta bin papia masha bunita, pero net net nada no ta wordo haci. Ni cuanto pidi, nada, absolutamente nada ta wordo haci. Taxistanan cu si tin cu cumpli cu ley, cu si ta paga nan haya nan permiso, y tin cu traha pa nan por survive, ta wordo perhudica pa e taxista piratanan aki.
Riba e potret, tuma diabierna mainta 9 or di mainta, por mira un “taxi-van” ta recoge turistanan, mientras cu e taxista oficial ti cu para wak con un pida bolo mas ta wordo kita for di dje. E taxi piratanan aki ya no tin cunes mas, si ta den dia of ta anochi, of marduga!
E ora, e taxistanan ta puntra: asina e situacion ta bay keda?
Te dia cu awa pasa hariña di un di e taxistanan, te dia cu manera nos grandinan ta bisa, dia cu e bonechi bira parobes ken ta wanta nan? E piratanan? gobierno??
Of e ora si ta bin sancion pa e taxistanan oficial??
Esaki ta simplemente un pregunta.
Pasobra e dia lo yega cu e taxistanan lo no wanta mas!