Manera ta conoci minister encarga cu transporte a presenta 2 maneho nobo, un di nan ta loke ta para traspaso di permiso di transporte di pasahero, ya cu peticion pa taxi ta halto y no tin mas Tx nr pa duna. Ta conoci cu tin varios permiso cu personanan ta bira grandi y ta pasa pa un hulpchauffeur pero un hulpchauffuer cu tin añas haciendo e trabou cu kier e permiso un dia p’e tin cu cana un caminda of ta keda nenga of ta haya su mes cu e doño di permiso di e taxi kier bende esaki mas cu 50 mil, y tin casonan cu hende a bay presta placa na banco y a keda gehit pa algun taxista.
Diamars despues di merdia cu e grupo di taxista cu a drenta paden pa reuni cu minister e reunion a termina cu e minister ta keda riba e maneho presenta ya cu a haci varios estudio rond y consehonan cu a haya di taxistanan y personanan cu ta desea un dia di haya un permiso di taxi. E taxistanan a sali rabia despues cu a blokia LG Smith Blvd a sali bay airport pa blokia e entrada.
E permiso ta di Land Aruba, tin persona ta kere cu permiso ta keda pa nan pa semper, tur hende tin un oportunidad pa yega na algo, pero tin grupo cu kier secuestra esaki.
