Diamars mainta a habri unda cu grupo di taxista a bay para pafo di bestuurskantoor na centro di gobernacion caminda cu ta wardando e contesta di minister relaciona cu e dos punto di e asientonan y e permiso pa duna famia ora cu nan no kier traha mas. Dialuna cinco taxista a drenta paden bay reuni cu minister encarga cu transporte publico, y a intercambia di puntonan y e reunion a sigui diamars mainta.
Maske cu tur hende sa cu e permiso di un taxista ta permiso di Land Aruba, maske tin kier haci negoshi bende riba 75 mil pa 100 mil te hasta a hit hende, tin denuncia cu a keda haci cu a pone cu e ora a yega pa adapta e manehonan cu no a cay den bon tera cerca e taxistanan.
Tin dos taxista numbernan cu ta conoci un den number abou y otro den number halto lo a purba bende nan permiso, pone te hasta un hende kita fo’i su trabou como bancario haci prestamo y a paga e taxista miles di florin, te cu e taxista a lanta vuelo bay trip cu e placa afo y nunca mas a paga e persona y a hit e mahos. Tin un di dos caso tambe cu un persona a paga un taxista mas cu 75 mil florin p’e permiso y nunca esaki a keda pasa na su nomber y a perde placa y nunca a keda haya.
Esaki t’e motibonan cu pa kibra e monopolio, den e mundo di taxi ta conoci e dos numbernan cu sigur a hit personanan miles di placa pa “bende” e permiso y nunca a cumpli. E acogidia di taxistanan diamars tabata minimo, cu ta indica cu taxistanan ta difidi, tin un grupo pro, y tin un grupo contra.
