Polisnan a tene un control rutinario den centro di ciudad y bicinidario. Tambe nan a tene control banda di Gate 3 di Aruba Ports Authority, door cu tabata tin un barco di crucero den waf. Pa banda di 2 or di merdia, polisnan ta wordo acerca door di un turista kende a declara cu el a caba di baha di un taxi, pero cu el a laga su cosnan den e taxi. Polisnan a tuma contacto cu e Central di Taxi, y un rato despues e taxi ta bin entrega e turista su articulonan cu el a laga atras, bek.
Pa mas o menos 4 or y 15 Central di Polis ta meld cu tin un scooter sospechoso ta coriendo di manera iresponsabel. Polisnan a bay controla y a wak un scooter berde ta core den direccion pabao den Havenstraat, pero e ta disparce den Weststraat. Polisnan a bay controla den bicindario pero no a haya nada.
Pa mas o menos 5 or di atardi, e crusada di Oudeschoolstraat y Middenweg ta wordo cera relaciona cu’n accidente na altura di “Arco Iris”. Pa banda di 5 or y 40. na altura di Diamonds, na L.G. Smith Blv, polisnan ta detene un motociclista cu tabata coriendo sin tin helm bisti. Centrale Post a wordo poni na altura di esaki.