Diamars mainta na e crusada di Palm Beach un accidente serio a keda registra entre un brommer di polis y un taxista. Ta asina cu e brommer di polis cu zwaailight y sirena bayendo direccion pabou pa un asistencia, e taxista pa un of otro motibo no lo a mira e brommer di polis y asina subi e crusada y aki ambos ta accidenta. E brommer di polis a dal den banda robes dilanti di e taxista. E brommer a keda destrui, un e oficial a keda herida. Ambulancenan cu urgencia a presenta na e sitio y otro patruyanan. E caminda a keda cera unda polis di trafico a haci nan investigacion. Paramedico a brinda asistencia y e oficial herida a keda transporta pa hospital.