Sigur nos tin cu bisa cu e marcha contra criminalidad tabata uno bon atendi, cu varios personahe conoci den comunidad ta sostene. Miembronan di nos comunidad a bin y expresa nan preocupacion den forma di borchi, of simplemente bisti na rouw, den grupo. Un di e comerciantenan cu tabata tey presente, tabata Tatiana Eman, kende ta forma parti di e Comision Pro Siguridad.
El a comenta cu nan ta hopi contento mirando e reaccion di pueblo, cu tabata hopi positivo. Hopi hende nan a bin ta haya pa a join nan. Aki por mira cu nos pueblo ta cansa di e falta di siguridad, cansa di tanto atraco, joyriding, abuso di mucha. Pueblo kier un cambio y kier’e awo.
Preocupacion
Eman ta sigui splica cu tin hopi confiansa cu despues di awe lo bay bin un cambio. A kere cu awe a laga un marca den historia di Aruba cu ta bisa ta basta. Y mañan lo tin un historia diferente. Gobierno a mira caba cu e causa aki ta uno serio y cu lo bay bin un cambio di berdad, caminda cu lo bay mira un Aruba mas sigur.
Hopi sosten di pueblo y comerciante
Fuera di por a combersa cu sra. Eman riba e marcha, por a tende comentario di sindicato TOPA hiba palabra y tambe nan a para dilanti warda di polis y mustra nan e sosten y tambe kisas nan kier tambe pa Cuerpo Policial compronde cu e preocupacion tey. E por ta un hende, e por ta 500 hende, e por ta 10 mil hende. Nan tin derecho di expresa nan mes. Den e caso aki por mira cu comunidad tey. Ta wak tambe e disgusto. Ta wak naturalmente diferente lidernan politico, lidernan sindical presente. A mira varios comerciante presente durante e marcha. Apart di sr. Hubert Dirksz y sra. Tatiana Eman, por a mira demas comerciantenan sostene. Fundacion Cas tambe tabata tey presente. Tabata tin varios grupo cu a sostene e marcha aki. Despues di esey, nan lo bay Ministerio Publico y despues nan a bay bestuurskantoor naturalmente. E marcha aki a wordo bon cubri di parti di varios medio di comunicacion, caminda cu demas miembronan di comunidad por a keda na altura di lo ultimo cu a tuma luga durante e marcha masal aki.