Tatiana Becker ta un Ingeniero ambiental cu tin su mesun consultant y ta asesora e group desaroyador cu kier traha riba Isla di Oro. E tabata presente durante un presentacion cu a wordo haci pa e NGO’snan ambiental, pa asina mustra kico ta e intencion tras di e proyecto na e sitio y tambe kico ta tumando luga na e momentonan aki.
E ta conta cu el a wordo acerca algun luna pasa door di e desaroyado pa haci estudio di e mangrovenan y a dicidi di bay mas leu y studia eigenlijk henter e ecosistema. Becker ta contento cu awo e ultimo simannan, a cuminsa sinta cu tur e expertonan y bay mas den detaye riba e proyecto pa wak con tur cos por wordo harmonisa. Tin algun componente di e proyecto cu tin cu pensa con e impacto por ta, mas bien hasta positivo pa e luga eynan.
Segun Becker, hopi bad press tabata tin rond di esaki, pero esey no ta importante. E punto ta cu ta compronde cu tin hopi sceptisismo. Becker mes ta sceptico, pero no ta necesario pa papia malo di ningun proyecto si no sa e detayenan. Te awor aki, nan mes como consultant no sa e detayenan.
E ta agrega cu te awor aki tin hopi transparencia y cualkier pregunta cu tin por acerca e consultant y sigui riba dje. Tin un dialogo cual no ta haya esey den hopi proyecto na Aruba. E otro punto cu tin ta mustra cu tin hopi responsabilidad den medio ambiente. Nan ta echt purbando nan best. A sinta cu tur e expertonan y cada experto cu tin nan tema, cu tin nan experticio, ta purba di echt dialoga cu otro, wak con por traha tur cos hunto, segun Becker. E comunicacion ta hopi importante den e caso aki y te awo e ta bayendo hopi bon.
Den pasado Becker a haci estudio pa Santa Rosa. Antes e tabata un stagiaire den e proceso di siña. Eynan el a cuminsa ripara cu tin algun issues medioambiental cu echt merece hopi mas atencion y si no haci nada, e ta keda bay mas atras. E ora nos mester lubida riba nos beachnan, nos lama, nos tin cu cuminsa cuida nos medio ambiente y mehora.
E proyecto por causa daña si ningun consideracion no wordo tuma. Te awor tur consideracion ta wordo tuma, pa wak con ta haci’e. Ta ainda den e proceso di desaroyo. Ta den e concept fase. Ainda no sa tur e detayenan y esey ta un proceso largo cu lo bay find out. Tampoco por critica hopi pasobra no sa tur cos ainda. Ta bezig ta figure out. E luga ta den un estado no sano, tin hopi sushi tur caminda. E nivel di oxigeno den awa ta hopi abao, mustrando cu tin hopi stagnacion den awa, putrificacion. No ta necesariamente daña e mangelnan, e por causa menos productividad pa e flora, pero e caso aki no ta e issue ey. E flora mester oxigeno den awa. Nan mester por come eynan. Esaki ta un refugio y nan mester por ta eynan y nan no por ta pavia di e condisionnan aki.