E resort su Comite Social y departamento di Recurso Humano a colabora pa un celebracion special den nan conference room na honor di e tatanan trahando na e hotel. Asina ofreciendo nan un oportunidad diferente y leuk pa relaja cu nan coleganan, cu entretenimento di DJ Crossfire, Maribel Maduro y bailarinan.
Assistant General Manager Jessica Franken, a demostra e hotel su aprecio dor di honra tatanan cu un presentacion special, tanto inspiracional y alentador.
Executive Assistant Helen Werleman a disfruta e honor di anuncia “Tata di Aña 2019”, Brazile Baptistin, di departamento di Engineering.
Tur den asistencia di e fiesta a deleita den un variedad di plato deliciosos prepara pa e team di Food & Beverage.
Un rifa pa diferente premio y sorpresa a culmina e evento festivo aki, cu cada tata ricibiendo un regalo y caluroso palabranan di elogio.
E atardi divertido y relaja a inclui tambe e opcion di un chair massage, algo cu hopi tata a disfruta di dje.
E Comite Social y Departamento di Human Resources kier felicita e elenco di Tata trahando na La Cabana Beach Resort & Casino riba nan dia y en especial pa ta e tremendo ehempel pa nan famia.