Central di Polis ta haya un yamada pa asistencia na IMSAN door di nan mesun personal. Na nan yegada polis ta wordo informa cu nan a haya un mucha di 2 aña cu kemadura na su curpa pero cu e tata no ta laga e personal haci nan trabao. Pa evita problema, a dicidi di pidi asistencia policial. Na IMSAN polisnan ta papia cu e pareha G y T. E tata, T. ta declara na polis cu su yiu homber a kima cu awa cayente. A dicidi di pone e instancianan concerni na altura di e caso, e.o. JZP, Slachtofferhulp, BFTO y Voogdijraad. E victima a wordo transporta cu ambulance pa hospital pa tratamento medico. E tabata tin kemaduranan di segundo grado na su cabes, pecho y bariga. El a keda interna.
Central di Polis a wordo poni na altura di esaki.
Nota: No ta prome biaha cu polisnan ta haya na mes confronta cu e pareha T. y G.