UFA, Rusia- Mescos cu cualkier hoben di 25 aña, Rita Shameeva tabata biba pendiente di su smartphone. Pero e muhe Ruso, siguramente nucna lo a imagina cu su tata lo honr’e, despues di morto, bou di circumstancianan no divulga, cu’n plachi curioso inspira den su aficion pa tur cos “online”.
Oriundo di e ciudad di Ufa, Rais Shameeva a dicidi di bestel un replica di un iPhone gigante pa e compaña e restonan di su yiu stima den e santana unda cu su graf ta, despues di cu esaki a bandona e mundo aki na 2016.
Un potret di Shameeva ta decora e parti dilanti di e curioso monumento, den e zona unda e “pantaya” di graniet. E parti patras ta liso pa imita e acabado di glas di e modelonan di Apple. Incluso e tin e mesun inscripcionnan cu e obheto electronico tan codicia.
Su startbutton, volumen y screenlock a wordo copia perfectamente.