Dialuna, pa mas of menos 2’or di merdia, Central ta dirigi patruya na Babijn na altura di un speelschool pa un maltrato di mucha. Eynan ta papia cu e homber L, kende a declara cu su yiu ta keda na e speelschool pa e resto di dia. Diabierna, dia 21 di October, ora cu el a bin busca e yiu for di e scol, el a mira cu un hende tabata tin e orea di su yiu hopi duro teni. El a puntra e leidster di e speelschool kico a pasa cu e yiu y segun e, e leidster no kier lag’e wak imagennan di video. Despues di esaki patruya a papia cu leidster di e scol, e dama K., kende a declara cu el a mustra e imagennan na e mama di e yiu. El a bisa patruya cu e lo pone e imagennan riba un stick y hib’e recherche si e tata kier entrega keho contra di dje. Patruya a bisa e tata pa bay na JZP pa duna keho. Central a wordo poni na altura.