Diadomingo anochi un mayor a haya su mes confronta cu e tata di su yiu cu a opta pa no duna e mama su yiu bek y aki a start un problema na un cas na Meiveld. E tata a pasa man pa e yiu y cuminsa cana den e bario na pia.
E mama tin documento oficial cu ta e mama tin custodia di e mucha y e tata no y cu e tin e diana cu e por wak e mucha y pasa orananan cune. Pero algo a bay robes cu e tata su cabes a flip y a bay cu e mucha contra su boluntad.
E caso a bira secuestro y di biaha polisnan a cuminsa busca paradero di e homber rond. Polisnan atento riba caya a topa auto cu dos homber y un mucha aden y a para un toyota blanco na rotonde Pos Chikito. Aki e oficialnan a constata cu ta e persona cu nan ta buscando. A detene e tata di biaha pa secuestro di e mucha, y e chauffeur cu ta un persona di edad no tabatin nada di haber, ta simplemente un lift el a duna e homber debi cu e conoce y no sa kico ta pasando. Polis a bay cu e tata pa warda y e mama a bin busca su yiu.