Diadomingo algun persona a hayanan ta baha caminda pa un ford escape coriendo iresponsabel for di caminda di Paradera, e chauffeur tabata core zig zag y riba un velocidad. Algun persona a opta pa sigui e auto aki y informa polis di biaha, riba un velocidad e homber a tuma rotonde Paradera pa bay rotonde WVB Seroe Patrishi y asina bay abou. Na rotonde Ponton WVB a bay zuid y ta unda patruya a topa cu e auto y a duna e chauffeur señal pa para.
A pone e chauffeur supla y a spik’e motibo di yamadanan cu e tabata core iresponsabel. E homber a keda deteni pa surpasa e limite. Loke a hala atencion di e oficialnan ora a bay atende cu e chauffeur den auto tabatin dos mucha menor di edad, cu ta indica un tata bebi tras di stuur coriendo duro cu su yiunan abordo. E muchanan a bay sinta den e auto di polis, y aki e oficialnan a hibanan pa nan cas. E tata deteni a bay warda pa pasa un test di alcohol.