Grupo di expertonan tecnico y ingenieronan encarga pa bin cu recomendacionnan y solucion pa maneho di desperdicio y Dump Parkietenbos a comunica e diferente resultadonan aki y a entrega rapport cu proximamente lo wordo evalua pa Ministerio
Sr. Ras, Sector Manager di Bedrijfs Technische Zaken na WEB ta splica cu durante e reunion cu Minister Oduber a duna evaluacion di e Request For Information (RFI) cu a haci pa maneho di desperdicio alabes ta splica e rol di WEB den e proceso aki. ‘WEB tabata encarga cu e parti di “Waste Treatment Facility” y nos a duna Minister un evaluacion completo despues cu diferente compania a participa na e proceso di RFI. Tabatin 25 compania, nos a haci henter un scrutiny a base di e preguntanan (80) den e RFI, pa asina nos forma un mihor imagen di kico ta pas mas pa Aruba su situacion. Cada Pais ta varia den nan situacion con bo ta handle cu sushi, grandura, e criterianan social, economico y tecnologia. A base di esey a duna Minister un recomendacion ki direccion e grupo ta kere hunto cu WEB (un work group) ta kere e mihor solucion ta. Den pasado prome cu a saca e RFI a develop un roadmap caminda cu e deseonan di diferente stakeholders a wordo poni den dje. Aworaki cu nos tin e realidad di industria, nos ta haci un gap analyse cu nos ta purba di match nan cu otro (loke ta desea compara cu e realidad y loke ta economicamente viabel). Despues di dos dia ta bin bek cerca Minister eora cu e resultado, cu un ‘time-line’ ki ora por saca un Request for Proposal (RFP) pa eora bay difinitivamente na un solucion riba termino largo pa e situacion di maneho di desperdicio pa Aruba.
Robert Jan Moons TNO:
“Di parti di TNO nos ta hopi contento di por ta parti di e proceso y contribui na e futuro di maneho di desperdicio pa Pais Aruba. Den e reunion cu Minister Oduber tabatin entrega di e evaluacion di e RFI. Den e simannan cu a pasa, a evalua locual a wordo entrega door di companianan ambos local y internacional y a entrega esaki na Minister Oduber. Locual ta importante den un evaluacion asina ta cu ta wak diferente aspectonan, e cuater aspectonan cardinal ta 1. Tecnologico, 2. Ambiental, 3. Social y 4. Financiero. Tur e aspectonan aki hunto lo mester bay culmina na un decision cual ta: con pa remedia e dump na Parkietenbos y tambe kico esey ta bay nifica pa e futuro procesamento di sushi na Aruba. E fase aki lo inicia proximamente.