Diadomingo, pa mas of menos 10’or y 25 di mainta, Central a dirigi patruya di Stranpolitie na tulip pa un ladronicia. Eynan a papia cu e dama LNC, kende a declara cu pa 9’or y mey di mainta, el a bay cana riba beach. E tabata tin un rugtas preto cu contenido atras y despues di 15 minuut cu el a bin bek, el a ripara cu su tas no tey mas. Den e rugtas tabata tin su celular y mas of menos $150, 2 bril di solo y sunscreen. Keho a wordo tuma. Central a wordo poni na altura.