Tarifanan nobo di taxi no ta legal

1
RBC Juli 2018
Funmiles-2018

Na final di aña 2017 taxistanan a bin dilanti bisando cu tarifanan di taxi lo cambia pa 2018 mientras cu di otro banda, Departamento di Transporte Publico ta bisa cu esaki no ta legal. Minister di Transporte, Sr. Chris Romero ta amplia ariba esaki.

Sr. Romero a bisa cu el a tende cu enberdad cu tin un pricelist nobo, pero esaki no a yega cerca dje, na su bureau. No tin niun MB, ni nada por el estilo di e minister anterior, cu tabata tin algo asina. Loke Sr. Romero a compronde ta, cu a inicia un dialogo caminda nan kier a pone un comision, 3 di DTP, 3 Taxista, pa bin sinta hunto pa cuminsa wak kico por bay haci cu e tarifanan aki.

Te asina leu cu minsiter sa, cu a purba tuma contacto cu e taxistanan, pero no tabata tin niun comunicacion y nada no a keda desaroya. E pricelist no a wordo aproba door di gobierno ni nada. El a pasa door di e Landsverordering, caminda articulo 27 ta bisa specifico cu un ‘vergunninghouder’ no mag di pone un tarifa of hisa un tarifa. Si esey ta sosodiendo, ta urgi taxistanan pa wanta un rato y keda cu e prijs existente cu ta data di 2012. Pero lo bay sinta cu nan na mesa y dialoga pa wak si en berdad lo mester bin un cambio pa e tarifa.

Gobierno ta dispuesto pa sinta na mesa cu e taxistanan pa yega na un solucion. Pero no ta legal pa bay cobra via e pricelist 2018, cu no a wordo aproba. Si e taxista wordo atrapa, e lo tin su consecuencianan.

Sr. Romero a sigui bisa cu prome cu fin di aña, a avisa DTP pa nan pone e taxistanan na altura caminda nan no por bay implenta e pricelist nobo ainda prome cu sinta hunto y delibera con pa haci esaki na un manera ordena. DTP a avisa e taxistanan cu nan no mag di cobra y no ta algo cu e minister ta bisa awo. E taxistanan ta na altura for di prome cu aña a habri. A pidi pa mantene e pricelist bieu pa no trece confusion. Si e minsiter ta hayando yamada for di hotelnan, cu turistanan ta keha cu e taxistanan ta cobrando prijsnan mas halto cu normal.

Pero e prijs bieu ta esun vigente y e Landsverordering, articulo 27 ta dicta cu niun vergunninghouder mas di stipula su mesun prijs. Pa loke ta e carta cu e taxistanan ta bisa di tin di e minister anterior. Pero e minister actual mes no tin e carta aki. Pa colmo, niun rato e pricelist a yega cerca e minister pa sikiera sinta cu e personanan aki y dialoga ariba dje. Pa aworaki lo mester sigui maneha e pricelist bieu, segun minister di Transporte, Sr. Chris Romero.

Comments

comments

C: Heineken
new india