Internacional: Consumidonan mericano cu ta luchando cu prijsnan halto pa carni di baca y webo lo enfrenta gastonan mas halto ainda pa carni, berdura y fruta si presidente Donald Trump imponi tarifanan riba importacion canades y mericano, economistanan y ehecutivonan di industria di cuminda a bisa.
Consumidonan a lucha cu inflacion halto for di e pandemia di COVID-19 y a vota pa Trump en parti debi na malcontento cu prijsnan mas halto. Trump a priminti di baha gastonan pa mericanonan comun y coriente.
Cas Blanco a bisa diabierna cu e tarifanan nobo riba Canada y Mexico lo drenta na vigor dia 1 di februari, nengando un informe di merdianan cu nan lo wordo retrasa te 1 di maart.
Aumento di prijs relacion cu tarifa lo a dal e cartera di consumido na un momento cu prijs di carni di baca ta cerca di halto di record y gastonan pa webo a subi despues cu grip di parha a elimina miyones di galiña cu ta pone webo. Casonan di grip di parha den bacanan di lechi tambe a reduci e produccion di lechi den e miho productor California.
Poco despues di a tuma oficina siman pasa, Trump a pone e fecha limite di 1 di februari pa impone 25% di tarifa riba importacion for di Mexico y Canada a menos cu e paisnan move pa stop e fluhonan di inmigrantenan ilegal y e opioide mortal fentanyl den Merca. Tambe el a bisa cu e lo impone un 10% di tarifa riba productonan Chines riba e rol di e pais ey den e comercio di fentanyl.
“Cualkier aumento den gastonan den forma di un tarifa ta sirbi despues como un ‘impuesto riba cuminda’ riba consumidonan pa productonan importa y no ta un solucion trahabel,” e vocero di Asosiacion Nacional di Cuminda, David Cutler, a bisa.
Merca a importa $195.9 biyon di productonan agricultural for di proveedonan rond mundo na 2023, segun datonan di Departamento di Agricultura y Duana di Merca. Esey a inclui casi $86 biyon di Mexico y Canada, e dos prome proveedonan ta representa 44% di e total.
Te cu 40% di e productonan fresco bendi den tiendanan di cuminda di Merca ta wordo importa, segun e Asosiacion Nacional di Cuminda
“Nos ta importa mayoria di nos fruta y berdura fresco for di Mexico y Canada pues definitivamente lo bo mira inflacioon riba e productonan ey,” asina Rob Fox, un economista y director di CoBank su Knowledge Exchange a bisa.
“Esaki ta productonan cu no ta wordo reemplasa facilmente”, el a bisa. “Mi no por sali y planta tomati na Illinois na januari y spera di por remplasa nan.”
Mas o menos dos tercera parti di importacin di berdura di Merca y mitar di su importacion di fruta y noot ta bini di Mexico, segun USDA. Esey ta inclui casi 90% di su awacati, te cu 35% di su juice di apelsina, y 20% di su strawberry.
Awacati for di Mexico, un brasa di mercadeo di e industria di awacati di Mexico, tabata envia 52 pa 53 miyon liber di awacati tur siman pa Merca na december, CEO Alvaro Luque a bisa. Esey ta subi te na mas cu 70 miyon liber prome cu e wega di futbol di Super Bowl di Merca cu e aña aki ta dia 9 di februari, el a bisa, resaltando e demanda di Merca.